skilaboð - auglýsingar

SAMAN-hópurinn lætur reglulega útbúa efni til að minna foreldra á samveruna og það sem máli skiptir í forvörnum.


Við hvetjum alla til að dreyfa skilaboðum Samanhópsins, en hér fyrir neðan er hægt að hlaða niður hinum ýmsu skilaboðum til foreldra. Til dæmis geta sveitarfélög notað skilaboðin til að deila á sínum miðlum.


Ef ykkur vantar aðrar stærðir af skilaboðunum, td fyrir samfélagsmiðla, auglýsingu á vef, veggspjöld, eða hvað sem er, sendið okkur póst á saman@samanhopurinn.is 

ÚTIVISTARREGLURNAR

SAMAN-hópurinn hefur um árabil hvatt foreldra til að kynna sér reglur um útivistartíma barna og unglinga og virða hann.

Reglur um útivistartíma eru árstíðarbundnar og taka breytingum 1. september og 1. maí ár hvert. Hópurinn leggur áherslu á að útvistartíminn taki samt sem áður mið af skólatíma að hausti því ein lykilforsenda þess að börnum og unglingum farnist vel er nægur svefn.

 

Á skólatíma, 1. september til 1. maí mega 12 ára börn og yngri lengst vera úti til kl. 20 en 13 – 16 ára börn mega lengst vera úti til kl. 22.

Yfir sumartímann, 1 maí til 1. september mega 12 ára börn og yngri vera lengst úti til kl. 22 en 13 – 16 ára börn mega lengst vera úti til kl. 24. Foreldrum er að sjálfsögðu heimilt að stytta útivistartíma barna sinna enda eru þeir forráðamenn barna sinna og unglinga.

Bregða má út af reglunum þegar börn eru í fylgd með fullorðnum og börn 13 – 16 ára eru á heimleið frá viðurkenndri skóla- íþrótta- eða æskulýðssamkomu.

Aldur miðast við fæðingarár.

FORELDRAR! TÖKUM SKÝRA AFSTÖÐU GEGN KANNABISNEYSLU

15. apríl 2024
Það er mikilvægt að foreldrar taki skýra afstöðu gegn kannabisneyslu þar sem viðhorf foreldra hefur áhrif á viðhorf barna þeirra. Goðsagnir um skaðleysi kannabisneyslu er best að kveða í kútinn með yfirveguðu samtali. Tökum skýra afstöðu. Til að geta það verða foreldrar að kynna sér kannbis og hvaða áhrif notkun þess hefur á ungt fólk. Hér er listi yfir skjöl og vefsíður þar sem finna má efni sem foreldrar geta nýtt sér. Bæklingur gefinn út af Landlækni (PDF): Kannabis – Leyfðu staðreyndum að hafa áhrif. Um kannabis á vef SÁÁ: Kannabis Grein úr Læknablaðinu (PDF): Eykur notkun kannabis hættu á geðrofi og þróun geðklofa? Grein eftir Ársæl Má Arnarson í Skólaþráðum: Breytingar á áfengis- og kannabisneyslu íslenskra unglinga 1995−2015

ÁTTU BARN Í FRAMHALDSSKÓLA? HÖLDUM ÁFRAM AÐ LEIÐBEINA OG SETJA SKÝR MÖRK

15. apríl 2024
Ungmenni teljast börn að 18 ára aldri. Ábyrgð foreldra á börnum sínum er því ekki lokið þegar þau fara í framhaldsskóla. Foreldrar gegna mikilvægu hlutverki í lífi ungmenna á framhaldsskólaaldri. Íslenskar rannsóknir hafa sýnt að stuðningur foreldra getur komið í veg fyrir brotthvarf úr framhaldsskóla og stutt við nám og velferð ungmennis. Þegar kemur að félags- og skemmtanalífi ungmenna gegna foreldrar einnig lykilhlutverki, bæði sem fyrirmyndir og eftirlitsaðilar. Foreldrar hafa oft áhyggjur af áfengisnotkun ungmenna á framhaldsskólaaldri og auknu aðgengi að vímuefnum. Því er mikilvægt að þeir haldi sambandi við skólann, myndi tengsl við kennara og skólastjórnendur og taki þátt í að móta og framfylgja forvarnarstefnu. Úr H andbók um geðrækt í framhaldsskóla gefin út af Landlæknisembættinu 2015.

LEYFUM EKKI EFTIRLITSLAUS PARTÝ EÐA SUMARBÚSTAÐAFERÐIR

15. apríl 2024
Ungmenni undir 18 ára aldri ættu aldrei að halda eftirlitslaus partý. Virt eftirlit foreldra.

KAUPUM EKKI ÁFENGI FYRIR UNGMENNA UNDIR 20 ÁRA ALDRI

15. apríl 2024
Það er lögbrot að kaupa áfengi fyrir fólk sem er undir 20 ára. Gerumst ekki lögbrjótar! Foreldrar eru fyrirmyndir barnanna sinna.